எனது உளறல்கள்

 என்  உயிர் அம்மா.....

பத்து மாதம் சுமந்தது போதாது என்று
நித்தமும் என்னை மனதில் சுமக்கும் பதுமை அவள்!

என் பாசம் பெரிதா உன் பாசம் பெரிதா என்று
பல முறை போட்டி போட்டு
இறுதிவரை ஜெயிக்கவில்லை நான் !

சாப்பிட முடியவில்லை என்னால்
உன் அன்பின் மிகுதியால்
எப்பவோ நிரம்பிவிட்டது மனமும் வயிறும், 

மறுபடியும் உன் வயிற்றில் 
தஞ்சம் புக ஆசையாகத் தான் இருக்கிறது,

வேறு எங்கு கிடைக்கும் அந்த பாதுகாப்பும் பரிசமும்.......

==============================================================

வருவாயோ? 

மழையே
இங்கு உன்னை நோக்கி 
பல விடியல்கள்,

வாழ்வில் 
வளம் கொழிக்க
விளக்கேற்ற 
நீ வருவாய் 
என்ற நம்பிக்கையில்
உன் வரவை நோக்கி 
காத்துக்கொண்டிருக்கிறது இந்த உலகம்.......
==========================================================